Athletic Clubeko emakumezkoen taldeak azterketa mediko batez itxi du denboraldia Zorrotzaurre Klinikako Kirol Medikuntzako Unitatean

31.05.2019

• Azterketa horretan osasun-egora eta kirol-errendimendua aztertzen zaizkie, denboraldian buru-belarri aritu ostean eta udaldia hasi aurretik.

• Jokalarien azterketa medikoak oinkadaren azterketa ere barne hartzen du, lesioak gertatzeko arriskua txikiagotzearren.

Athletic Clubeko emakumezkoen taldea Euskal Herria Koparen finala jokatzeko sailkatu ostean (abuztuan jokatuko dute, Real Sociedad taldearen kontra), Joseba Aguirreren jokalariei denboraldiko azken azterketa medikoa egin zaie gaur goizean,  IMQ Zorrotzaurre Klinikan.

Hortaz, Pablo Aranda medikuak, IMQ-ko Kirol Medikuntza Unitateko arduradunak, Clubeko medikuntza-zerbitzuekin koordinatuta –Josean Lekue medikua buru izanda–, taldeko 23 jokalariei egin zaien eliteko kirol-azterketa mediko osoa zuzendu du. Osasun-egora eta kirol-errendimendua aztertzen zaizkie, denboraldian buru-belarri aritu ostean eta udaldia hasi aurretik.

IMQ-ko Kirol Medikuntzako espezialista Pablo Aranda medikuak azaldu duenez, “lehenik, odol-laginak ateratzen ditugu, analisi klinikoa egiteko, odol-gazurraren hainbat alde biokimiko egiaztatzeko, eta ondoren, balorazio zineantropometrikoa egiten dugu (pisua, altuera eta tolesturak)”. Halaber, lokomozio-aparatua miatzen zaie.

IMQ-k (1998/99 denboralditik Athletic Cluben aseguratzaile mediko ofiziala) Athletic Clubeko emakumezkoen taldeari —gizonezkoen taldeari bezala— egiten dion azterketa medikoak test hauek ere barne hartzen ditu: test isozinetikoa, indarra eta giltzaduren mugikortasuna neurtzeko testa, elektrokardiograma basala eta esfortzu proba maximoa zinta irristakorrean eta pultsu kardiakoak lortzea. Hori guztia, kirol-baldintzak hobetu eta jokalarien entrenamendua banan-banan antolatzearren.

IMQ-ko kirol-kardiologo Zigor Madariarekin elkarlanean, jokalariei atsedeneko balorazioa ere egiten zaie (bihotzaren auskultazioa, biriken auskultazioa, atsedeneko elektrokardiograma eta presio arteriala), baita proba esfortzu proba maximoa laktatoekin ere.

“Proba esfortzu proba maximoa laktatoekin egitean, jokalari bakoitzaren maila aerobikoa eta anaerobikoa ezagut daitezke, entrenamendu-saioak hobeto antolatzeko, kirol-errendimendua handiagoa izan dadin”, azaldu du Pablo Aranda medikuak.

Oinkadak lesioa gertatzeko arriskua txikiagotzeko duen garrantzia

Duela gutxi, Athleticeko jokalariei oinkada ere aztertzen zaie, hots, azterketa biomekanikoa egiten zaie oinei. Zehazki, beheko gorputz adarrei eta oinei miaketa probak egin zaizkie, hala nola, giltzaduren egonkortasun-mailak, bihurdura-ereduak, disimetriak zehaztu eta muskulu-kateak eta jarrerak aztertu, baita oin-zolako presioak eta ibileraren eta kirol-keinu eta keinu teknikoa ere.

IMQ-ko Kirol Medikuntzako espezialistak adierazi duenez, “horrela, oinaren asaldura biomekaniko batzuk antzeman daitezke eta —medikuaren aginduz— orekatu, elementu zuzentzaile edo orekatzaileen bidez. Horrek jolakarien kirol-errendimendua hobetuko du eta lesiorik gertatzeko arriskua txikiagotu, oinkada eta horren euskarriak hobetu egiten direlako”.