IMQ-k indartu egin du delituen prebentzioa betetzeko kultura AENOR-en UNE 19601 ziurtagiriaren eskutik

13.07.2026

AENORen UNE 19601 ziurtagiria lortu du IMQ-k, hain zuzen, compliance penalaren arloko Espainiako erreferentziazko estandar nagusia, konpainiak kudeaketa-sistema eraginkorra duela ziurtatzen duena, erakunde barruan delituak prebenitzera eta araudia betetzea indartzera bideratuta.

Ziurtagiria konpainiaren bulegoetan entregatu da ofizialki: IMQ Seguros-eko zuzendari nagusi Javier Maizteguik AENORen Eskualde Atlantikoko zuzendari Gonzalo San Antonio Cledouren eskutik jaso du aitorpena.

UNE 19601 araua da, delituak prebenitzeko, arrisku penalpean egoteko aukera murrizteko eta hirugarrenen aurrean legea betetzeko konpromisoa frogatzeko, erakundeetan compliance penala kudeatzeko sistemak diseinatu, ezarri eta iraunarazteko baldintzak ezartzen dituen Estatuko estandarra. Gainera, AENOR bezalako erakunde independente batek ziurtatu izanak, jendaurrean agerian utzi ditu erakundearen bidezko arreta eta konpromiso etikoa, funtsezko alderdiak direnak gero eta zorrotzagoa den arautze-ingurune batean.

Egiatan, estandar horrek enpresei exijitzen die jagoletza- eta kontrol-neurriak ezartzea, arrisku penalak identifikatu eta ebaluatzea, salaketa-kanal eraginkorrak jartzea eta etikan eta gardentasunean oinarritutako benetako kultura korporatiboa sustatzea. Hala, bezeroen, hornitzaileen, administrazioen eta gizarte osoaren konfiantza indartzeko tresna estrategiko gisa finkatu da.

IMQn ziurtagiri hori beste ziurtagiri garrantzitsu batzuei gehitu zaie, hala nola kalitataren, informazioaren segurtasunaren edo negozioaren jarraipenaren arlokoei, izan ere, erakundeak bikaintasunarekin eta etengabeko hobekuntzarekin duen konpromisoa bermatzen duten horiei. Oro har, segurtasuna, gardentasuna eta jarduera guztiekiko konfiantza bermatzera bideratutako kudeaketa-eredu sendoa osatzen dute.

IMQ-ko zuzendari nagusi Javier Maizteguiren hitzetan, “UNE 19601 ziurtagiria lortu izana beste urrats bat da gobernu korporatibo onarekin eta osotasunarekin dugun konpromisoan. Arrisku penalak prebenitzeko dugun eredua indartzen du, eta erantzukizunean, betetzean eta konfiantzan oinarritutako barne-kultura sendotzen du”.

Estatu-mailan, ziurtagiri hori gero eta erakunde gehiagok eskuratu dute, 2017an argitaratu zenetik, eta horrek agerian uzten du compliance penalak gero eta garrantzi handiagoa duela Espainiako enpresa-sarean. Arauaren eguneratze berrienak ─2025ean argitaratu zena─ funtsezko alderdiak indartu ditu, hala nola lidergoa, arriskuen ebaluazioa eta betetze-kultura, nazioarteko estandarrekin bat etorriz eta enpresentzako eskakizun-maila handituz.

Aitorpen berri horrekin, IMQ-k aurrera darrai kudeaketa-eredu sendoa, gardena eta jardunbide onenekin bat datorrena finkatzeko estrategian, eta, hala, Euskadiko aseguru- eta osasun-sektorean erreferentziazko erakunde gisa duen kokapena indartzen du.