- 80 urtetik gorako gizonezkoen %75ek sintomaren bat dauka
Prostatako hipertrofia onbera
Prostataren handitzeak guruina handitu dela esan nahi du, eta ia gizon gehienei gertatzen zaie zahartzen diren heinean. Guruina handitzen den heinean, uretra estutu dezake eta gernuko eta maskuriko arazoak eragin ditzake.
Prostataren handitzeari hipertrofia edo prostatako hiperplasia onbera (PHO) edo prostatako hipertrofia onbera deitzen zaio normalean. Ez da minbizi bat eta ez du handitzen prostatako minbizia izateko arriskua.
-
Ez da ezagutzen zein den prostata handitzearen benetako kausa. Zahartzaroari eta barrabilen zelulen aldaketei loturiko faktoreek eragin dezakete guruinaren hazkundean. Adin goiztiarrean barrabilak erauzten zaizkien gizonek (barrabilen minbizi baten ondorioz adibidez) ez dute PHO izaten. -
Prostataren hazkundearekin batera sintoma buxatzaile batzuk izaten dira, besteak beste, gernu egite motela edo etenkakoa, indarra gutxitzea eta gernu-zurrustaren kalibrea mehetzea. Sintoma narritagarriak ere ager daitezke, besteak beste, disuria (mina, txiza egitean ondoeza edo larritasuna), txiza egiteko maiztasuna, nikturia (gauean gernu egiteko maiztasuna handitzea), eta komunera joateko larritasuna. -
Medikuak historia klinikoari buruzko galderak egingo ditu eta ondeste ukipena egingo du guruin prostatikoa ukitzeko. Halaber, ondoko azterketak ere egin daitezke: gernu fluxuaren tasa, hustu ondoko hondar-gernuaren azterketa txiza egin ondoren maskurian zenbat gernu geratu den ikusteko, presioaren fluxuaren azterketa maskuriaren presioa neurtzeko gernu egiten den bitartean, gernuaren azterketa odola edo infekzioren bat dagoen ikusteko, gernu kultibo bat egitea infekzioa bilatzeko, prostatako antigeno espezifikoaren (PSA) odol azterketa bat egitea prostatako minbizia antzemateko, zistoskopia.
-
Tratamenduaren aukeraketa sintomen larritasunean eta zuri eragiten dizun moduan oinarritzen da. Medikuak kontuan izango ditu izan ditzakezun bestelako osasun arazoak.
Tratamendu aukeren artean ondoko hauek daude: "itxarotea jarraipen estua eginez", bizimoduaren aldaketa, botikak edo kirurgia.