IMQ-k 4.000 euro bildu ditu UNICEFentzat “Por mí y por todos mis compañeros” kanpainari laguntzeko

09.01.2020

• IMQ-k osasun-kiten bidez donazioak sustatzeko abiarazi duen kanpainaren bitartez, 4.056 euro bildu dira, hain zuzen, umeak gaixotasun hilgarrien kontra babesteko eta haien eskolatzea bultzatzeko.
• 2006. urteaz geroztik, UNICEFek garapen-bidean dauden herrialdeetako haurren eta nerabeen eskubideen alde dituen helburuekin bat egin du IMQ-k eta 400.000 euro inguru eman ditu.

IMQ-k, 2019ko azaroaren 28tik 2020ko urtarrilaren 7ra bitartean, kanpaina solidarioa abiarazi du, UNICEF Euskal Herriko Batzordearekin elkarlanean, jendea sentikortzeko eta funtsak biltzeko, herrialde txirotuetako umeen osasuna babesten laguntzeko eta horien eskolatzea sustatzeko.

“Reto Rescate IMQ” izeneko ekimenaUNICEFen azken kanpainan, hots, “Por mí y por todos mis compañeros” (https://www.unicef.es/reto-imq) delakoan kokatzen da, eta 3 euroko ‘erreskate-kiten’ donazioaren bidez antolatu. Guztira, IMQ-k 4.056 euro bildu ditu, umeak gaixotasun hilgarrien kontra babesteko eta haien eskolatzea bultzatzeko, UNICEFi emandako 1.352 kiten bidez.

“Reto Rescate IMQ” erronkaren donazioak euskal aseguratzaileko langileek, osasun-profesionalek eta bezeroek eman dituzte gehienbat. Izan ere, horiei guztiei erakunde barruko nahiz kanpoko kanal anitzeko jardueren bidez, web bidez, posta elektronikoz, sare sozialez, argitalpenez eta mugikorrez jakinarazi zaie ekimena.

“Por mí y por todos mis compañeros” kanpaina azaroaren 20an, hots, Umeen Nazioarteko Egunean, abiarazi zuen UNICEFek, eta 2019an, gainera, egun horretan Umeen Eskubideen Konbentzioaren (CDN) hogeita hamargarren urteurrena ospatu zen.

“UNICEFen bildutakook gauzak gerta daitezen arduratzen gara, eta umeena ez den baina horiengan eragina duen joko baten arauak aldatu nahi ditugu, joko horrek kopuru kezkagarriak baititu. Esandako kanpainaren bidez, gizarte-mugimendu bat sortu nahi izan dugu, hots, umeen eta nerabeen beharrak zein diren eta UNICEFek horiei ematen dizkien konponbideak zein diren kontatu”, adierazi du UNICEF Euskal Herriko Batzordeko presidente Isidro Elezgaraik.“Milioika umek ez dute edateko ura eskuratzerik, ezin dira eskolara joan, eta gaixotasunen eraginpean daude. “Reto Rescate IMQ” bezalako ekarpenekin gauzak alda ditzakegu. Zeren eta, zenbat eta gehiago izan, orduan eta ume gehiago erreskatatuko baititugu”.

IMQ Solidario: umeak lagundu eta babestea

Azken kanpaina horri laguntzeaz gain, IMQ, 2006. urteaz geroztik, UNICEF Euskal Herriko Batzordearekin ari da elkarlanean, garapen-bidean dauden herrialdeetako umeen eskubideen alde, urteko ekarpen korporatibo baten eta IMQ Solidario proiektuaren eskutik.

Izan ere, IMQ Solidario proiektuari esker, hilean gutxienez euro 1 emanez, erakundeko bezeroek, langileek, enpresek eta profesional medikoek ere, nork bere harri-koskorra ekartzen du, UNICEFek, gehien behar diren tokietan, umeen garapen eta osasunari laguntzen jarrai dezan. Eta lankidetza horri esker, IMQ-k, urteotan, 394.000 euro baino gehiago eman dizkio UNICEFi.  

Bildutako zenbatekoak umeen hezkuntza, osasuna eta indarkeriaren eta esplotazioaren kontrako babesa sustatzeko, hiesa prebenitzeko ekimenak bultzatzeko eta munduko umeen eskubideen aldeko itun eta politika publikoak martxan jartzeko erabiltzen dira gehienbat.