1980an, aseguru-etxeak bere lehen zentro propioa erosi zuen, Vicente San Sebastián klinika, eta handik urte batzuetara, Virgen Blanca Klinika. Hurrengo hamarkadetan, beste hainbat zentro eta klinikarekin zabaldu zuen bere sarea, eta horien arteko garrantzitsuena 2012an zabaldutako IMQ Zorrotzaurre klinika izan zen. Horretara, gaur egun duen osasun-azpiegitura sendo eta garrantzitsua osatu zuen: Euskadiko osasun pribatuko zentro propioen sarerik zabalena.

2005ean, sozietatea berregituratzeko prozesu sakon bati ekin zion enpresak, eta IMQ Taldea sortu zuen, harrezkero konpainiaren dibisioak lotzen dituen holding sozietate gisa funtzionatzen duena. Urtebete geroago, 2006an, IMQk merkatu berrietara eta beste esparru geografiko batzuetara zabaltzea bultzatu zuen, eta horretarako, Igualmequisa eskuratu zuen Araban eta 2011n Gipuzkoan ezarri zen.

2000ko hamarkadaren hasieran, IMQk lehen urratsak eman zituen negozioa dibertsifikatzeko estrategian, eta, Igurcoren bidez, parte hartu zuen adinekoei zuzendutako proiektu soziosanitarioak garatzen eta ustiatzen. 2014. Urtean, IMQ Prebentzioa sortu zuen, laneko osasunaren eta laneko arriskuen prebentzioaren arloan eta EAEko eremuan aitzindari den konpainia.

2016. urtean, IMQ Aseguruak aseguru ez-sanitarioak merkaturatzen hasi zen, Heriotza- eta Istripu-aseguruak abian jarrita, eta, ondoren, produktu-zorroa zabaldu zuen, askotariko proposamen zabal batekin.

Gaur egun, IMQk etorkizunera begira jarraitzen du, berrikuntzaren aldeko apustu garbia eginda, eta etengabe ari da inbertitzen azpiegituretan, ekipamenduetan eta teknologia berrietan, bere bezeroek osasun-, segurtasun- eta prebentzio-arloan dituzten eskakizunei eta beharrei aurre egiteko. Izan ere, hori funtsezkoa da pertsonak zaintzeko, babesteko eta haiei arretarik onena emateko sortutako erakunde batean.