IMQ Virgen Blanca Klinikak QH (Quality Healthcare) + IDIS-en izar 1 egiaztagiria lortu du

06.11.2017

• Sistema aitzindaria eta berritzailea da, kalitatea etengabe hobetzeko kulturatzat hartzen duten osasun-erakunde publiko eta pribatuen asistentziaren kalitatearen bikaintasuna aintzat hartu eta egiaztatzen duena.
• Euskadin bi erakundek bakarrik lortu dute aintzatespen hori: IMQ Zorrotzaurre Klinika eta Mutualia.

Gaur, Osasuna Garatu eta Integratzeko Institutuak (IDIS), QH (Quality Healthcare) + izar 1 egiaztagiria eman dio IMQ Virgen Blanca Klinikari, QH Egiaztagiria emateko IV. ekitaldian. Ekitaldi hori Madrilen izan da gaur goizean eta horretara Espainiako osasun-sektoreko erakunde gailenak bertaratu dira.

IDIS erreferentziako erakundea da sektorean, osasun-profesionalekin ez ezik, pazienteekin eta horien senideekin ere duen konpromisoagatik. Kalitatearen alde erabakitasunez jokatzen du eta asistentziaren kalitatea aintzat hartzeko sistema bakarra eta aurrendaria ezarri du, Espainiako osasun-sistema hobetzeko helburuz.

Egiaztagiri horrek, hortaz, kalitatea etengabe hobetzeko kulturatzat hartzen duten, bikaintasuna lortu nahi duten eta egunero prozedurak bikainak izan daitezen lan egiten duten osasun-erakunde publiko eta pribatuen asistentzia-kalitatearen bikaintasuna aintzat hartzen ditu.

Mailakako identifikazio-sistema da: sarrera-mailatik (QH zigilua) maila goren egiaztagarriraino (QH zigilua + 3 izar). Euskadin bi erakundek bakarrik dute egiaztagiri hori: IMQ Zorrotzaurre Klinika (QH egiaztagiria + 2 izar) eta Mutualia. Eta orain horiei IMQ Virgen Blanca Klinika gehitu zaie.

Laugarren edizioan, erakunde egiaztatu berriek ez ezik, beste batzuek ere parte hartu dute (QH egiaztatze-maila hobetu nahi dutenak edo lehenengo deialdian lortutako QH egiaztagiria berritu dutenak). Deialdi guztietan, 115 erakunde egiaztatu dira guztira (itunpekoak, mutualitateak, pribatuak eta publikoak).

Moldatzea eta etengabe hobetzea

Virgen Blanca Klinikak ISO 9001:2008 egiaztagiria ere badauka. Egiaztagiri horrek, klinikaren kalitatea eta zerbitzua kudeatzeko sistemak Estandarizaziorako Nazioarteko Erakundearen estandarrak gainditzen dituela bermatzen du. Era berean, egiaztagiri hauek dauzka: Efizientzia Energetikoari buruzko ISO 50.001 egiaztagiria, pazientearen segurtasunari buruzko UNE 179.003, Ingurumenari buruzko  ISO 14.0001 eta DIAS ereduaren nazioarteko egiaztagiria, Espainian bi ospitalek bakarrik dutena.

IMQ Virgen Blanca Klinika 1969an zabaldu zen, medikuntzako 25 profesionalen eskutik eta horien bultzadari esker. Eraikuntza-proiektua Pascual Perea arkitektoaren zuzendaritzapean egin zen, eta hasiera batean, Klinikak zazpi solairu eta estalpekoa zituen, 151 oheekin.

80ko eta 90eko hamarkadetan, finantza-ahalegin handia egin zen erakinaren egitura moldatzeko; klinika modernizatzeko prozesuaren une gorena 2008an lortu zuen, Virgen Blanca Klinika estatuko zentro aitzindari bezala finkatu zenean. 2012an, Donostiako Vicente Klinikak xurgatu zuen Klinika, eta harrezkeroztik, IMQ taldearen barruan dago eta taldeari asistentzia-proposamen osoa biribiltzen laguntzen dio, Euskadiko osasun-sektore pribatuko garrantzitsua denaren barruan.

Azken bost urteotan, IMQ Virgen Blanca Klinikak inbertsio handiak egin ditu kirurgia- eta farmazia-multzoak eta eguneko ospitalea edo traumatologia-unitate berria abiarazteko, zentroaren edukiera eta zerbitzuak nabarmen handitzeko asmoz. Nicolás Guerra IMQ kliniketako zuzendariak adierazi duenez, “klinika hobetzeko etengabeko ahaleginari eta kalitatearen aldeko apustuari esker (gaur IDIS bezalako erakunde gailenak aintzat hartu duena), klinikan izandako eraberritzeak, pazienteei eta asegurudunei arreta hobea eta erosoagoa, pertsonalizatua, efizientea eta gertua eskaintzea ahalbidetzen du, eta, aldi berean, profesionalen eta ospitalearen lana erraztea”.