IMQ Alhóndigak Kirol Medikuntzako Unitatea estreinatu du Bilbao Basketeko fitxaketa berriaren azterketa medikoaren eskutik

19.02.2025

Surne Bilbao Basket taldeak, talentu onena bereganatzeaz gain, sasoi onean dagoela egiaztatu du Euskadiko elite-talde nagusiak zaintzeaz arduratzen den osasun-profesionalen laguntzarekin. Bilbao Basketeko azken fitxaketa Malcolm Cazalon jokalariari lehenengo azterketa medikoa egin zitzaion atzo, oraintsu zabaldu den IMQ Alhóndiga Zentro Medikoko Kirol Medikuntzako Unitatean, astelehenean haren fitxaketa ofizial egin ostean.

Kanpoaldeko jokalari frantsesak, NBAn Detroit Pistons taldearekin debuta egin zuenak eta 17 urtez azpiko jokalarien Munduko Txapelketan joko bikaina erakutsi zuenak –partidu bakoitzeko 16,4 puntu–, 23 urte ditu, 1,98 metro altu da, eta denboraldia amaitu arte sinatu du, Estrasburgo taldetik etorria.

Markel Pérez doktorea, IMQ Alhóndiga Zentroko Kirol Medikuntzako Unitateko buru, arduratu zen saskibaloilariari azterketa medikoa egiteaz, kirol-medikuntzako punta-puntako ekipamenduaz baliatuta.

IMQren zentro berrian –Bilboko Fernandez del Campo kalea 25– 11 espezialitate daude, eta urtean, batez beste, 36.700 kontsulta baino gehiago artatuko direla aurreikusi da. Zentroak Bilboko arreta anbulatorioko erreferente nabarmena izateaz gain, kirolarientzako osasun-harrobi ere izan nahi du.  

IMQren eta Bilbao Basketen arteko aliantza 2007an hasi zen, erakunde biek lehenengo lankidetza-hitzarmena sinatu zutenetik. Aliantza hori indartu egin da, Bizkaiko taldeak sustatu duen BBLab proiektuan parte hartu baitu IMQ-k; izan ere, otsailaren 12an, IMQ-ko osasun-profesional batek, Camila Hernández nutrizionistak, esku hartu zuen, kiroleko menu praktikoez eta behar energetikoen kalkuluaz mintzatzeko. Maiatzaren 6an, Markel Pérez sendagileak berak esku hartuko du, lesioen prebentzioa eta ariketa fisikoen onura hizpide izanda.