IMQ Igurco Unbeko Errekuperazio Funtzionaleko Unitateak hamar urte bete ditu, eta horietan bi mila adineko ingururi eman die arreta

08.01.2026

Duela hamar urte pasatxo, Bizkaian era aintzindarian, IMQ Igurco Unbe egoitzako Errehabilitazio Funtzionaleko Unitateak ateak zabaldu zituenetik, batez beste 81 urte dituzten 1.997 pertsonari eman zaie arreta. Horietako % 80 baino gehiago etxera itzuli dira alta hartu ostean, autonomia funtzionala berreskuratu ondoren. Eta hiru pazientetatik ia bi (% 63,6) emakumeak izan ziren.

IMQ Igurcoko asistentzia-zuzendariondoko Iñaki Artaza sendagileak, 2014an unitate hura martxan jartzeaz arduratu zenak, azaldu duenez «batez beste, IMQ Igurco Unbeko Errekuperazio Funtzionaleko Unitatetik igaro diren adinekoak 18 eta 20 puntu artean hobetu dira Barthel indizean (eguneroko bizitzako oinarrizko jarduerak egiteko autonomia neurtzen du) eta 1,3 eta 1,5 puntu artean, ibiltzeko gaitasuna neurtzen duen FAC eskalan (Ibileraren Sailkapen Funtzionala)», adierazi du adituak.

IMQ Igurco Unbeko Errekuperazio Funtzionaleko Unitatean, batez besteko egonaldia 46 egunekoa izan zen adierazitako lan-hamarkadan, eta aldeak egon ziren profilaren arabera: «47 egun inguru, ortogeriatrian (gehien eskatzen den profila, ospitaleratze guztien % 52,3), 45 egun inguru, narriadura funtzionalean, eta ia 45 egun, neuroerrehabilitazioan».

Albistearen informazio osoa, IMQ Igurcoren webgunean.