AEPD sarearen itun digitalari atxiki zaio IMQ pertsonak babesteko

25.05.2021

Datu-babesarekin eta erantzukizun sozial korporatiboarekin hartu duen konpromisoarekin bat etortzeko asmoz, Datuak Babesteko Espaniako Agentziak sustatutako (AEPD) Pertsonak babesteko Itun Digitalari atxiki zaio IMQ.

Ekimen horrek itun nabarmena lortu nahi du herritarren artean, eremu digitalean datuak babesteko eskubidea indar dadin. Helburu hori bi modutan lortu nahi du: alde batetik, eremu digitalean esku-hartzen dutenen, hots, erakundeen eta enpresen konpromisoaren eskutik, bezeroei edota erabiltzaileei nahiz langileei pribatutasuna berma dakien, eta teknologiak modu arduratsu eta etikoan erabil daitezen. Eta, bestetik, erakundeak eta herritarrak —batez ere,adingabeak—Interneten tentuz hartzeko edukiak zabaltzeak dituen ondorioez jabearazten, jardunbide horrek erantzukizun zibil, penal eta administratibo garrantzitsuak baitakartza berekin.

Atxikimendu horren ondorioz, IMQ-k hitzeman du ituna eta horren helburuak zabalduko dituela, erakunde barruan nahiz hortik kanpo, eta horretarako, datozen hilabeteotan, informazio- eta sentsibilizazio-kanpaina bat abiaraziko du, helburu hauekin:

• AEPDek herritarrei indarkeria digitalaren gaineko kasu larrienetan laguntzeko abian jarri duen Canal Prioritario (Lehentasunezko Kanala) badagoela gogoraraztea. Kanal horrek Interneten kontuz hartzeko edukiak, eduki sexualak edo bortitzak legez kontra argitaratu direla salatzeko bide bat eskaintzen du, edukiak salatzailea jotzen ez badu ere.
• Jazarpenik gabeko lan-ingurunea sustatzea, batez ere, eremu digitalean.
• Berrikuntza eta eraldaketa digitala sustatzea, etika, erantzukizun eta gardentasun printzipioetan oinarritutako ikuspegi batetik, datuen tratamendu jendetsuak egiten dituzten produktu eta zerbitzuei dagokienez, batez ere, adimen artifiziala dutenei.
• Pribatutasuna errespetatzen duten telelan-ildoak ezartzea.
• Pribatutasunaren balioaz eta datu pertsonalak behar bezala tratatu eta errespetatzeak duten garrantziaz jabearaztea.
• Pribatutasunean eta datu pertsonalen babesean prestatu eta sentikortzeko informazio-kanpainak sustatzea, eremu digitaleko desberdintasuna (’eten digitala’), murrizteko, herritar ahulengan batik bat.
• Adingabeentzako sentsibilizazio digitaleko kanpainak sustatzea, gailu digitalak eta informazioaren gizarteko zerbitzuak modu orekatu eta arduratsuan erabil ditzaten, haien nortasuna behar bezala garatzen dela bermatzeko.
• Iraunkortasun eta erantzukizun sozialeko politikak taxutzerakoan datu pertsonalen babesa aintzat hartzea.