José Mari Argoitia eta Daniel Ruiz-Bazán jokalari ohiek IMQ Zorrotzaurre Klinikako pazienteak bisitatu dituzte

19.12.2019

• Bisitaldian, Athleticeko jokalari ohiak ospitaleratutako paziente batzuekin izan dira, baita Eguneko Ospitale Onkologikokoekin ere, eta azken horretan egiten ari ziren musika-terapiako saioetan izan dira.

Gabonak iristear dira eta egunotan IMQ Zorrotzaurre Klinikan, hainbat gorabehera dela ere, ospitaleratuta dauden pazienteei adore eta poza emateko asmoz, Athletic Clubeko hiru mito, José Mari Argoitia eta Daniel Ruiz-Bazán “Dani”, Bilboko osasun-zentro horretara joan dira gaur goizean.

Han, klub zuri-gorriko jokalari ohi ospetsuek ospitaleratuta dauden eriondo ugari bisitatu dituzte eta horiekin mintzatu dira. Pazienteekin nahiz klinikako profesionalekin argazkiak egin eta autografoak sinatu ostean, minbizidun pazienteei tratamendu anbulatorioa ematen zaien Eguneko Ospitale Onkologikora joan dira bisitariak.

Erabiltzaileekin eta horien senideekin mintzatu dira, eta une horretan eguneko ospitaleko pazienteekin musika-terapia saio batzuk egiten ari zen Olga Sanchez erizainarekin izan dira.

IMQ, Athleticen osasun-aseguratzaile ofiziala

IMQ da Athletic Clubeko taldekide guztien osasun-aseguratzaile ofiziala. Halaber, San Mames estadioan partidetara bertaratu ohi diren 53.000 ikusle baino gehiagori ere ematen die osasun-arreta; izan ere, partida bakoitzean ehundik gora pertsonen giza taldea, anbulantzia batzuk eta ekipamendu osoa jartzen ditu martxan. Era berean, IMQ-k lagundu du San Mamesek UNE 179.003 ziurtagiria –Osasun Arriskuen Kudeaketari buruzkoa– lor dezan, eta horri esker, osasun-segurtasuna ziurtatuta duen Europako lehenengo futbol-estadioa izan da San Mames.