IMQ-k eta CEBEK-ek Bizkaiko 5.000tik gora enpresen osasuna eta ongizatea sustatzeko ituna berritu dute

23.03.2026

Bizkaiko Enpresarien Konfederazioak (CEBEK) eta Igualatorio Médico Quirúrgicok (IMQ) osasunaren arloko lankidetza-hitzarmena berritu dute, euskal osasun-aseguratzailearen Bilboko instalazio nagusietan izandako ekitaldi batean; horrela, 2015etik indarrean dagoen ituna indartu egin dute.

Akordio horren eskutik, Bizkaiko enpresa-sarearen artean osasun-aseguramendua sustatuko da, eta baldintza bereziak eskainiko zaizkie CEBEKeko elkartekide diren enpresei, lantaldeetako kideei eta haien familiei.

Akordioa sinatzeko ekitaldian, CEBEKeko presidente Guillermo Bucesek azpimarratu zuen osasunak lehiakortasunean duen eragin zuzena: "Pertsonen osasuna eta ongizatea ezinbestekoak dira enpresa indartsuagoak eta lehiakorragoak eraikitzeko. IMQrekin sinatu dugun akordioari esker, enpresei funtsezko tresnak eskaini ahal izango dizkiegu beren plantillak zaintzeko eta lan ingurune gero eta osasungarriak sustatzeko".

IMQ Seguros-eko zuzendari nagusi Javier Maizteguik, bestetik, arreta presentzialaren eta konponbide digitalen arteko konbinazioa nabarmendu zuen: "Euskadiko osasun-sare pribatu nagusia  ez ezik, zerbitzu digital berritzaileak ere eman ahal izateko, osasun arreta bikaina bermatzeko, enpresen, langileen eta familien beharretara egokituta".

Enpresentzako onura sozial gero eta estrategikoagoa

Lan-testuingurua aldatzen ari da, eta konpentsazioa jada ez da soldata gisa bakarrik ulertzen; hala, osasun-asegurua gero eta gehiago sendotzen ari da talentua erakartzeko eta fidelizatzeko tresna garrantzitsu bezala, beste elementu batzuekin batera, hala nola prestakuntzarekin, malgutasunarekin edo karrera planekin.

Enpresentzako eskaintzaren bidez, IMQ-k estaldura-eredu bat jarri du Bizkaiko enpresarien eskura: larrialdiak, lehen mailako arreta, espezialitateak, proba diagnostikoak eta zerbitzu osagarriak, hala nola psikoterapia, fisioterapia edo haurdunaldiaren jarraipena.  

Eremu digitalean, proposamenak bideo-kontsultak eta urruneko laguntzako beste zerbitzu batzuk bildu ditu, baita prebentziorako eta jarraipenerako osasun-programak eta tresnak ere, joan-etorririk gabe eta malgutasun handiagoarekin sartzea errazteko.

Konpainiak, halaber, asistentzia-sare sendoa du arreta presentzialean: 1.700 mediku profesional inguru, 2.400 kontsulta eta 22 zentro eta klinika propio, baita 10 hortz-klinika ere. Horiei guztiei esker, hurbileko alternatibak eta hautatzeko aukerak eskain daitezke.

Ongizatea, produktibitatea eta talentua erakartzea indartzea

Akordioa berritzean, CEBEKek eta IMQ-k erraztu nahi dute Bizkaiko enpresek osasuna txerta dezaten pertsonei egiten dieten balio proposamenaren parte gisa, lan ingurune lehiakorragoak eta eraginkorragoak bultzatzeko.

Pertsonen laneko esperientziak eta talentua atxikitzeko gaitasunak aldea markatzen duten egoera batean, CEBEKen eta IMQren arteko hitzarmena berritu izanak asmo argi hau indartu du: osasunean inbertitzea erabaki estrategikoa da Bizkaiko enpresa-ehunarentzat.