Amaitu egin da IMQren akzioak saltzeko aldi berria

11.03.2026

IMQ Taldeko Medikuen Sozietatearen Administrazio Kontseiluak atzo egindako bileran jakinarazi zen akziodunek akzioak saltzeko prozesuaren emaitza, lehen aukera-leihoari dagokiona, eta hortik aterako da IMQ Taldeko akziodunen osaera berria.

Prozesu hori amaitu ondoren, akziodunen ehuneko 80 inguruk akziodun gisa jarraitzea erabaki du, eta, beraz, Medikuen Sozietateak IMQ Taldearen kapital sozialaren ehuneko 19 baino pixka bat gehiago izaten jarraituko du, eta Adeslas, berriz, ehuneko 81 ingururen titular izango da. Ordura arte, kapitalaren ehuneko 75 inguru Adeslasen esku zegoen, eta gainerako ehuneko 25a Medikuen Sozietatearen esku.

Orain amaitu den aldia Medikuen Sozietatearen eta Adeslasen arteko akordioetan aurreikusitako lehen aukera-leihoetakoa da, eta hurrengoa bi urte barru izango da.