Bizkaiko ostalaritza elkarteko 1.300 establezimendu baino gehiagok osasun aseguru pribatua izango dute IMQ-rekin

29.07.2025

IMQ-k, Euskadiko osasun pribatuko aseguratzaile nagusiak, eta Bizkaiko Ostalaritza Elkarteak lankidetza-akordio bat lortu dute, zeinari esker, elkarteko 1.300 establezimendu baino gehiagok osasun-aseguruak baldintza onuragarrietan eskuratu ahal izango dituzten. Negozio Garapeneko eta Salmenta Kanaletako zuzendari Luis Fernández de Larreak eta Bizkaiko Ostalaritza Elkarteko kudeatzaile Héctor Sánchezek sinatu dute hitzarmena, IMQren Bilboko egoitzan.

Akordio horren eskutik, IMQ Pymes asegurua sustatu da: enpresa txiki eta ertainentzat bereziki diseinatua, osasun-estaldura osoa, hortz-asegurua eta zerbitzu digitalak –hala nola, bideo-kontsulta medikoak, espezialistekiko txata, errezeta elektronikoa eta fisioterapia digital pertsonalizatua– eskuratzeko aukera barne hartzen dituena.

“Erakundeen arteko lankidetzak langileen bizi-kalitatea hobe dezakeela erakutsi du hitzarmenak. IMQn sinetsita gaude giza taldearen osasuna zaintzea inbertsio estrategikoa dela edozein enpresarentzat”, adierazi du Luis Fernández de Larreak.

Oinarrizko estaldura medikoak ez ezik, zerbitzu hauek ere barne hartzen ditu aseguruak: 24 orduko larrialdiak; atzerrirako bidaiako laguntza, 12.000 € gehienez; haurdunaldiaren eta erditzearen jarraipena; psikoterapia; podologia eta nazioarteko bigarren iritzi medikoa, besteak beste. Baldintzak eskuragarri daude 67 urtera arteko langileentzat eta horien ezkontideentzat eta seme-alabentzat.

Eustaten datuen arabera, Euskadiko ostalaritza-sektoreak 60.000 pertsona baino gehiagori ematen die lana, eta bertoko ekonomiaren funtsezko eragileetako bat da. Horrelako ekimenek lan-ongizatea hobetzen, absentismoa murrizten eta talentua fidelizatzen laguntzen dute txandaketa handia duen sektore  horretan.

Bizkaiko Ostalaritza Elkarteak ohiko komunikazio-kanalen bidez zabalduko du eskaintza hori elkartekideen artean.