Deportivo Alavés taldeko jokalariei IMQ Amárican egin zaie azterketa medikoa

09.07.2018

Denboraldi-aurrerako aurreikusi diren zortzi partiduak jokatzen hasi aurretik (Racing-en, kontra, uztailaren 18an; Logroñés-en kontra, uztailaren 21ean; Leganés-en kontra, uztailaren 25ean; Alcorcón-en kontra, uztailaren 28an; Numancia-ren kontra, abuztuaren 1ean; Real Valladolid eta Real Oviedo-ren kontra –hirukoa-, abuztuaren 4an; Real Sociedad-en kontra, abuztuaren 8an, eta SD Huesca-ren kontra abuztuaren 11n), Deportivo Alavés Lehen Taldeko jokalariek gaur hasi dute denboraldi-aurrea, hain zuzen ere, Vitoria-Gasteizko IMQ Amárica Medikuntza Zentroan egin zaien goi-lehiaketazko osasun- eta kirol-azterketaren eskutik.

Hain zuzen ere, jokalari  hauei egin zaie azterketa klinika horretan: Fernando Pacheco, Carlos M. Vigaray, Rubén Duarte, Víctor Laguardia, Guillermo Maripán, Rubén Sobrino, Cristian Santos Freire, John Guidetti, Ibai Gómez, Rodrigo Ely, Antonio Sivera, Jorge Franco "Burgui", Daniel Torres, Mubarak Wakaso, Adrián Diéguez, Ermedin Demirovic, Martín Aguirregabiria, Jonathan Rodríguez eta Alexander Katai. Manu García jokalariari uztailaren 11n egingo zaio bihotzeko azterketa.

Goizeko 8:30ean hasi da eguna Abelardo Fernándezen gizonentzat: lehenik, medikuntza-zentroko erizaintza-zerbitzuak analisi kliniko bana egin die eta, ondoren, dortsal-ordenaren arabera, zuri-urdinei banan-banan egin dizkiete probak IMQ Amárica Medikuntza Zentroko Mikel Idoate Carvajal eta María Jesús García Sánchez kardiologoek. Ondoren, proben emaitzak Deportivo Alavés taldeko kirol-medikuntzako sendagile Javier Barriori eman zaizkio, lekuan bertan balora ditzan.

Probak

Goi-lehiaketazko mediku-azterketa horrek proba hauek barne hartu ditu: balorazio zineantropometrikoa (pisua, altuera eta tolesturak), atsedeneko balorazioa (bihotzaren auskultazioa, biriken auskultazioa, atsedeneko elektrokardiograma eta tentsio arteriala) eta ekokardiografia, azterketa biribiltzeko eta miaketan, elektrokardiograman eta esfortzu-proban antzematen ez diren kardiopatiak antzemateko.

Ondoren, babazorroei esfortzu-proba maximoa egin zaie, eta tentsio arteriala neurtu, jokalarien bihotzek esfortzu-mailen aurrean nola erantzuten duten aztertzeko.  

IMQ, Deportivo Alavés taldearen aseguratzaile mediko ofiziala

IMQ da Deportivo Alavés taldearen aseguratzaile mediko ofiziala, 2013. urteaz geroztik. IMQ Amárica Medikuntza Zentroak –non jokalariei osasun- eta kirol-azterketa egiten zaien– punta-puntako teknologia du kirol-medikuntzan, baita mediku espezialistak, Jarduera Fisikoaren eta Kirolaren Zientzietako profesionalak eta Errehabilitaziokoak ere. Halaber, Baskonia-Alavés taldeko 5+11 irabazi-asmorik gabeko fundazioaren kide babeslea ere da IMQ.