Euskadiko Futbol Federazioak IMQ fitxatu du Euskal Selekzioaren partidetarako

26.09.2024

Euskadiko Futbol Federazioa (FVF-EFF) osatzen duten pertsona guztien osasunaren zainketa bermatuta dago Euskadiko osasun-arloko talde liderra den IMQ Taldearekin lortutako akordioari esker, zeinaren bidez, Taldea arduratuko den Euskal Selekzioaren partidetan prebentzio-laguntza emateaz. Euskadiko Futbol Federazioko presidente Javier Landetak eta IMQ-ko zuzendari nagusi Javier Aguirregabiriak itxi dute akordioa gaur, babeslearen Bilboko egoitzan, hain zuzen.

90. urteurren bete-betean, IMQ-k Euskadiko kirolarien osasuna zaintzen jarraitzen du egun. Javier Landetak IMQ-ko ordezkariei Euskal Selekzioaren oroitzapenezko kamiseta bat, 90 zenbakiduna, eman die, eta oso pozik agertu da lortutako hitzarmenarekin: “Oso harro gaude IMQren laguntza izateaz, enpresa liderra baita, ezagutza handia bereganatu duelako, eta gure osasuna zaintzen dutenak direla jakiteak lasaitasuna eta bermea dakarzkigu”.

IMQ-ko zuzendari kudeatzaile Javier Aguirregabiriak, bestetik, 5 botika-kutxa eman dizkio Federazioari, euskal selekzioetako medikuen lan-jarduerarako materialez beteta. Eta hau gogorarazi du: “IMQrentzat harro egoteko modukoa da Euskadiko talde nagusien aseguratzaile medikoa izatea eta Federazioarekin lankidetzan aritzea. Talde-lanean sendo sinesten dugu, kirol-emaitza onak lortzeko ez ezik, osasuna bezalako funtsezko zerbait behar bezala zaintzeko ere. Horrexegatik, gure talde mediko onena eta, jakina, gure zentro guztiak, hots, EAEko nahiz Estatuko osasun-sare nagusia, euskal taldeen eskura jarri ditugu, Athletic Club taldeari dagokionez, duela 25 urtetik gaurdaino, eta Real Sociedad, SD Eibar eta Alavés taldeei dagokienez,15 urte baino gehiagotik gaurdaino, SegurCaixa Adeslas-ekin dugun aliantzari esker.”

IMQ Taldea enpresa-holding ahaltsua da; izan ere, zerbitzu sanitarioen, soziosanitarioen, ongizatearen eta lan-arriskuen prebentzioaren arloetako 50 enpresa inguru propio edo partaidetzapeko bildu ditu bere baitan. Etengabeko hazkunde-prozesuan dago, jardunbide luzea eta esperientzia joria du, eta Euskadiko osasun-sektore pribatuko konpainia liderra da, baita Estatuko garrantzitsuenetako bat ere.