IMQ, ABAO Bilbao Opera-ren kultura eta arde denboraldiaren laguntzaile

02.01.2023

IMQ, Euskadiko osasun-arloko konpainia liderra, ABAO Bilbao Opera-ren babesletza-programan sartu da laguntzaile gisa, erakunde horren kultura- eta arte-proiektuari ematen dion laguntza berresteko.

Hitzarmena sinatzeko ekitaldira IMQ-ko presidente Beatriz Astigarraga eta ABAO Bilbao Opera-ko presidente Juan Carlos Matellanes bertaratu dira gaur goizean.

Euskal gizartearekiko konpromiso sustraituarekin bat etorriz, IMQ-k, sortu zenetik, aktiboki parte hartzen du Euskadiko bizitza sozialean, zientifikoan eta kulturalean nahiz kirol-bizitzan, eta, horretarako, komunitatearen aldeko hainbat ekimenen babesle edo laguntzaile da.

Hitzarmenaren eskutik, 71. opera-denboraldian sartu da osasun-zerbitzuetako aseguramendu pribatuko liderra den konpainia; hortaz, erakunde-harremaneko lotura sortu da bi erakundeen artean. Hitzarmenak IMQ-k ABAOren proiektu artistikoa eta soziala babesteko duen konpromisoa indartu du eta, aldi berean, gizartean balioa sortu eta kultura eta opera sustatzen eta garatzen laguntzen du.

ABAO Bilbao Opera-ren xede nagusia da Bilbon opera-denboraldi baten programazio egonkorra sortzea eta musika- eta kultura-jarduerak kudeatzea. Euskadiko arte eszenikoen erakunde nagusienetako bat da, baita Estatuko eta Europako erreferentziazko erakunde lirikoa ere.

Enpresa-holding ahaltsua den IMQ Taldeko partaide da IMQ. Izan ere, osasun-zerbitzuetan, zerbitzu soziosanitarioetan, ongizate-zerbitzuetan eta laneko arriskuen prebentzioko zerbitzuetan diharduten partaidetzapeko 50 enpresa baino gehiago hartzen ditu bere baitan Taldeak. Euskadiko osasun-sektore pribatuko konpainia liderra da, baita Estatuko nagusienetako bat ere.

Akordio berri horri esker, berrogeita hamar enpresa laguntzailek baino gehiagok ABAO Bilbao Opera-ri laguntza ematen diote, hainbat modutan. Izan ere, elkartearen aurrekontuen % 26 inguru babesle berriei, badaudenen leialtasunari eta erakunde publikoen ekarpenei esker lortzen dira.