IMQ eta mediQuo batu dira Euskadin telemedikuntza zerbitzu osoa eskaintzeko

16.04.2024

Igualatorio Médico Quirúrgicok (IMQ), Euskadiko osasun-aseguratzaileen sektoreko konpainia liderrak, eta mediQuok, telemedikuntzako Espainiako konpainia nagusienetako batek, elkartze estrategikoa iragarri dute oraintsu.

Akordio hori aurrerapauso handia da arreta mediko digitalizatu osoa garatzeko, osasun-zerbitzuen norainokoa hobetzen du eta IMQ-ko asegurudunei zerbitzu medikoak berehala eskuratzeko aukera ematen die, espezialitate ugariko espezialistekin txatak eta bideodeiak eginez.

Hala, telemedikuntza-zerbitzu berriari esker, IMQ-ko pazienteak espezialitate hauetako mediku espezialistekin konekta daitezke bideokontsulta bidez: Medikuntza Orokorra, Pediatria, Ginekologia, Psikologia, Psikiatria, Dermatologia, Traumatologia, Oftalmologia, Kardiologia eta Alergologia. Baita nutrizio eta entrenamendu pertsonaleko profesionalekin ere.

Arreta medikoa paziente guztientzat eskuragarriagoa eta moldakorragoa izateko konpromisoa indartzen du  bi konpainiak elkartu izanak eta, aldi berean, sinergia berriak sortzen ditu Euskadiko osasunaren sektorean, arreta medikoa emateko modua aldatu baitu, plataforma digital berritzaileen bidez, kalitatezko medikuntza zuzenean pazienteen etxeetara eramanez.

«Poz-pozik gaude IMQrekin elkartu izanagatik gure telemedikuntzaren gaineko esperientzia Euskadiko pazienteen oinarri ugariago batera eramateko», adierazi du mediQuo CEO Guillem Serrak.

Zerbitzua badago eskuragai IMQren Euskadiko aseguratu guztientzat, eta konponbide osoa eskaintzen du arreta medikoko premia guztietarako. Hala, beste urrats bat eman da Euskadiko aseguratzaile nagusiaren osasun digitalaren estrategian; izan ere, IMQren aplikazioak gailu mugikorretarako (eskuragarri, Android eta iOSetarako) gaitasun berriak eskaintzen ditu eremu horretan.

IMQren apustua osasun digitalaren garapenaren alde

mediQuo-rekin sinatutako akordioa iragarri izana, Euskadiko aseguratzaileak martxoan iragarritakoari gehitu zaio, zeren eta, osasun digitalaren aldeko apustuaren barruan, online espazioan laguntza garatzeko estrategiaren barruan aldaketa kualitatibo handia dakarten beste zerbitzu batzuk ere abiarazi baitzituen: berehalako txat mediko berria eta fisioterapia digitaleko zerbitzu berria. Horiek guztiak doan eskura daitezke, IMQren app-aren bitartez. Horrek Telemedikuntzako atal espezifikoa du orain, osasun-premiak erraz eta, batez ere, azkar, kudeatzeko, oztopoak ezabatzen eta elkarrekintza eraginkorra bultzatzen.