IMQ zentro mediko berria Gasteizen

17.03.2021

• IMQ Abendaño zentroak 500 m² inguruko azalera du, eta gaur egun IMQ Amárica zentroak ematen duen eskaintza osatuko du.

• 11 espezialitate ditu: analisi klinikoak, podologia, erizaintza, urologia, dermatologia, errehabilitazioa, fisioterapia, psikologia, erreumatologia, medikuntza orokorra eta kirurgia plastikoa eta estetikoa.

IMQ-k bezeroei gero eta zerbitzu integralagoak eta hurbilagoak eskaintzeko duen konpromisoa, estaldura handiko espezialitate anitzeko zentro berriak irekitzearen bidez gauzatzen ari da, beste ekimen batzuen artean. Kasu, gasteiztarrentzat kontsulta anitzeko zentro berria zabaldu du oraintsu Arabako hiriburuko Abendaño kaleko 52. zenbakian. Zentroak 500 metro koadro inguruko azalera du, eta 7 kontsulta ditu  espezialista  mediko kirurgikoentzat, sala zuri 1 zistoskopiak, infiltrazio ekogidatuak eta dermatologia eta kirurgia estetikoko kirurgia txikiko prozedura txikiak egiteko, gela 1 analisi klinikoak egiteko eta erizaintzarako, 12 fisioterapia box (horietako 1 pelbis-zoruaren errehabilitaziorako), erabilera anitzeko gimnasio 1, fisioterapia tratamendurako guztiz hornituta, aldi berean, ohiko fisioterapia ez ezik,  bizkar-eskola, erditzeko prestakuntza edo pilates terapeutikoko ikastaroak ere emateko bi eremu bereizitan bana daitekeena.

IMQ-k Gasteizen Amárica zentroan ematen duen arretari gehitu zaio IMQ Abendaño. Izan ere, horrek, gaur egun, okupazio handia du eta instalazioak ezin dira gehiago handitu. IMQ-ko zuzendari nagusi Javier Aguirregabiriak zehaztu duenez, “guretzat oso garrantzitsua da erreferentziazko beste zentro mediko bat Gasteizen, osasun-eskaintza gehitzeko eta gure pazienteen aldeko ekimen berriak garatzeko aukera ematen baitigu”.

IMQ Abendaño Zentroak 11 espezialitatekin eta 23 profesionalekin zabaldu ditu ateak, eta epe laburrera hazten jarrai dezala eta zentrotik egunean batez beste 150 paziente artatzea aurreikusi da.

Hasieratik eskaintzen diren espezialitateen artean –analisi klinikoak, podologia, erizaintza, urologia, dermatologia, errehabilitazioa, fisioterapia, psikologia, erreumatologia, medikuntza orokorra eta kirurgia plastikoa eta estetikoa– azken hori nabarmentzen da, espezialitate berria delako eta ekipamendu bereizgarria duen zerbitzu-zorro ugaria duelako.

Espezialitate guztien punta-puntako garapena lortzeko, abangoardiako ekipamendu teknologikoaz baliatu da zentroa, hala nola ekografo bat eta azken belaunaldiko zistoskopio bat, talka-uhin erradialak edo bisturi elektrikoa.

Fisioterapia-zerbitzuak –errehabilitazioko medikuek  zuzendu eta koordinatzen dutena– bizkar-eskola eta pilates terapeutikoko ikastaroak, pelbis-zoruaren errehabilitazioa, drainatze linfatikoa, elektroterapia, mekanoterapia, zinesiterapia eta talka-uhin erradialak ere barne hartzen ditu.

IMQ Abendaño zentroak modu osagarrian eta koordinatuan lan egingo IMQ Amárica zentroarekin, balio anitzeko langileekin eta hitzordua zentro bateko edo besteko agendetan eskatzeko aukerarekin; horrela, eguneroko jardunean egon daitezkeen sinergia guztiak lortuko dira.

Arreta emateko ordutegia jarraitua izango da, 8:00etatik 21:00etara, astelehenetik ostiralera, eta hitzordua on line nahiz 945 35 65 03 telefonoan eska daiteke. Gainera, espezialistaren kontsulta ez ahazteko, sms bidez gogoraraziko da.

IMQ zentroak hiri edo herrietako erdialdean ohi daude, kalean bertan, irisgarritasuna errazteko. Pazientearen kalitate- eta segurtasun-berme ziurtatua dute, baita erreferentziazko ekipamendu eta profesionalak ere.

IMQ Abendaño Zentroak nahiz EAEko gainerako IMQ zentro medikuek, halaber, COVID-19aren aurkako segurtasuna indartu dute aire-arazgailuen bidez. Aire-arazgailu adimendunak dira (Anticimex Air Purifier), eta birusak, bakterioak, alergenoak eta kutsatzaile kimikoak desagerrarazten dituzte.