IMQ Zorrotzaurre Klinikak asistentzia kalitatearen QH hiru izar ziurtagiria berritu du

04.12.2020

• QH (Quality Healthcare) hiru izarrak Osasuna Garatu eta Integratzeko Institutuak (IDIS) osasun-zentroei, publikoei nahiz pribatuei, beren asistentziaren kalitatea ziurtatzeko ematen dien saririk handiena dira.

IMQ Zorrotzaurre Klinikak hirugarren QH izarra berritu du oraintsu, hain zuzen, Osasuna Garatu eta Integratzeko Institutuak (IDIS) osasun-zentroei, publikoei nahiz pribatuei, beren asistentziaren kalitatea ziurtatzeko ematen dien saririk handiena.

IDISeko zuzendari nagusi Marta Villanuevak zorionak eman dizkie IMQ Zorrotzaurre Klinikako profesionalei, “QH Ziurtagiriaren kategoria gorena, hots, hiru izar, berritu izanagatik, aurtengoa bezalako hain urte zailean gainera. Kalitatearen etengabeko hobekuntzaz kezkatuta egonik, beren prozesuak behar bezala kudeatzea erabaki duten eta hori bermatzen duten egiaztagiri ofizialak lortzeko ahalegina beren gain hartu duten zentroak aintzat hartzeko ematen da ziurtagiria”.

IMQ Taldeko Pazientearen Kalitate eta Segurtasunaren arduradun Isabel Urrutiak, bestetik, hau adierazi du: “IMQn dihardugunok konpromisorik handiena eskatzen diegu gure buruei bezeroen igurikimenak betetze aldera; azken belaunaldiko teknologietan inbertitzen dugu, gure profesionalen trebakuntza goi-mailakoa da eta asistentzia-prozesu guztian segurtasun klinikoaren bermea dugu”.

QH (Quality Healthcare) ziurtagiria sistema aitzindaria eta berritzailea da, Europan bakarra, eta kalitatea eta erantzukizuna etengabe hobetzeko buru-belarri ari diren asistentzia-erakundeak, ahalegin hori ziurtatzen duten egiaztagiriak dituztenak, aintzat hartzen ditu. Ziurtagiri hura lortu ahal izateko, erakundeek hautagaitza eta agiri-frogak bidali behar dituzte ahalegina eta konpromisoa frogatzeko, eta Batzorde Auditorea arduratzen da maila egiaztatu eta emateaz: OH egiaztagiria, izar 1eko QH, 2 izarduna edo 3 izarduna. Hiru izardun egiaztagiria maila gorena da.

Isabel Urrutiak adierazi duenez, “asistentziaren kalitatea suspergarria eta osasun-zentro asistentzial (publikoa nahiz pribatua) batean lan egiten duten profesional guztien ahaleginen batura da aldi berean, eguneroko laneko prozedura eta prozesuetan ezagutzak eta hobetzeko jardunbide egokiak erabil ditzaten, pazienteei hori guztia modu eraginkorrean emateko gai izan daitezen, osasun-emaitzarik onenak lortzeko eta esperientziarik onenak izateko, etapa eta une guztietan”.

Kalitatezko osasun-asistentziak, beraz, alderdi hauek behar izaten ditu: “bizkortasuna eta eraginkortasuna, itxaronaldirik eta atzerapenik ez egotea, bitarteko egokiak eta teknologiarik aurreratuena; eskuragai dagoen ezagutza zientifikoaren arabera, osasun-emaitzarik onenak lortzearren, jarduerak pertsonen beharretara egokitzen saiatuz eta pertsonen egoera, baldintzak eta testuingurua kontuan hartuta”.

IMQ Kliniken egiaztagiriak eta ziurtagiriak

IMQ Klinikek kalitate-estandar handiak lortu dituzte Estatuan nahiz nazioartean, munduko arau zorrotzenen, entzutetsuenen eta ezagunen arabera egiaztatu direlako: Joint Commission International (eredu amerikarra), Zorrotzaurre Klinika, eta DIAS, (eredu europarra), IMQ Virgen Blanca Klinika. Halaber, bi ereduok protokolo eta prozedura kliniko ugari ezarri dituzte eta horiek IMQ Taldea osatzen duten gainerako zentroetan ezarri dira pixkanaka.

Zorrotzaurre da, bestetik, egiaztagiri hauek dituen Estatuko ospitale gutxienetako bat: ISO 9001: 2015, Segurtasun Klinikoari buruzko UNE 179.003, I+G+b Kudeaketari buruzko UNE 166.002, SEMESen egiaztagiria Larrialdi orokorretan, Gorputzaz kanpoko Kirurgia zerbitzua egiaztatzen duen ziurtagiria (bakarra Espainian), “Bikaintasun” zigilua Irudi bidezko Diagnostikoaren Kalitateari edo Laneko Segurutasun eta Osasunari buruzko OSHAS 18.001 egiaztagiria.

Aldiro-aldiro berritzen diren egiaztagiri horiei SEP egiaztagiria, Europako EFQM Bikaintasun Ereduaren inspiratzen dena, gehitu zaie. Halaber, IMQ Klinikak gizarteaz eta ingurumenaz arduratzen dira; hortaz, ISO 14.001 (Ingurumen Kudeaketa) eta ISO 50.001 (Efizientzia Energetikoa) egiaztagiriak ere badituzte.