Alavés taldeko jokalariek IMQ Amárican kirol azterketa medikoak egiten hasi dute denboraldia

05.07.2021

Klub babazorroak gaur hasi du denboraldi-aurrea Gasteizko IMQ Amárica Zentro Medikoan lehen taldeko jokalariei goi-lehiaketazko kirol-azterketa medikoak egiten, Ibaian antigeno-testak, test serologikoak, PCRaketa analisi klinikoak egin ostean.

Osasun-zentrotik jokalari hauek igaro dira: Rube´n Duarte, Marti´n Aguirregabiria, Fernando Pacheco, Vi´ctor Laguardia, Lucas Pe´rez, Toma´s Pina, Joselu, John Guidetti, Luis Rioja, Ximo Navarro, Pere Pons, ‘Tachi’, Antonio Sivera, Carlos Isaac, Borja Sainz, Mahmoud Abdallahi, Jesús Owono, Adrián Rodríguez, Alan Godoy, Abdel Abqar y Taichi Hara.

9:00etan hasi dira probak; lehenik eta behin, analitika bana egin zaie, osasun-zentroko erizaintza-zerbitzuan eta, ondoren, zenbakien ordenaren arabera, 2013. urteaz geroztik Deportivo Alavés taldearen aseguratzaile mediko ofiziala den IMQ Osasun Zentroko María Sagasti eta María García medikuek –kirol-medikuntzako espezialista eta kardiologoa, hurrenez hurren–  banan-banan artatu dituzte zuri-urdinak. Jokalariei egin zaizkien proben emaitzak berehala jakinarazi zaizkio Deportivo Alavés taldeko sendagile Javier Barriori, lekuan bertan balora ditzan.

Goi-lehiaketazko osasun-azterketak proba hauek barne hartu ditu: balorazio zineantropometrikoa (pisua, altuera eta tolesturak), jokalarien atsedeneko balorazioa (bihotzaren auskultazioa, biriken auskultazioa, atsedeneko elektrokardiograma eta tentsio arteriala neurtzea) eta ekokardiografia, azterketa biribiltzeko eta miaketan eta esfortzu-proban antzematen ez diren kardiopatia batzuk detektatzeko.

Azkenik, Barrio doktoreak eskatuta, babazorroei ergometria edo esfortzu-proba egin zaie, eta hori, María Sagasti sendagileak azaldu duenez, honetan datza: “elektrokardiograma monitorizatua da, zeinaren bidez atsedenean bihotz-maiztasuna ikus dezakegun –trantsizionala da, esfortzu-maila ezberdinetan zehar–, baita indarberritzen ere”. Halaber, hau gehitu du: “bihotz-maiztasun teoriko maximoaren % 85ean egiten ari gara, hots, jokakariaren adinaren 220 baino  gutxiagotan, baina kirolariaren arabera, maximoetara irisiten ari gara”.

IMQ Amárica Osasun Zentroak punta-puntako teknologia du kirol-medikuntzan, baita Jarduera Fisikoaren eta Kirolaren Zientzietako eta Errehabilitazioko profesionalak diren mediku espezialistak ere.