Zaintzaileentzako tailerretan izena emateko epea ireki du Getxok

25.09.2017

• Bizkaiko Foru Aldundiak mendekotasun-egoeran egiaztatu dituen eta Zainduz hitzarmenean kokatuta dauden herritarrak zaintzen dituzten senideei laguntzea da doako tailer horien helburua

• Lehen aldiz, IMQ Taldeko Igurco Servicios Sociosanitarios erakundea arduratuko da ikastaro horiek emateaz

Getxoko Udalak, 2017ko azken hiruhilekoan, zaintzaileentzako tailerretan parte hartzeko izena emateko epea ireki du. Epe hori urriaren 3an bukatuko da. Aurten, lehen aldiz, IMQ Taldeko Igurco Servicios Sociosanitarios erakundea arduratuko da ikastaro horiek eman eta kudeatzeaz. Izan ere, erakundeak hamabost urteko esperientzia du sektore horretan. Oraingoan, ohiko Erlaxazio eta Taldeko laguntza psikologikoa tailerrez gain, berritasun bezala, Etxebizitzan zaintzeko estrategiak ikastaroa ere antolatu du Udalak.

Doako tailer horien helburua da Bizkaiko Foru Aldundiak udalerrian mendekotasun egoeran egiaztatutako  bizi-lagunak zaintzen dituzten familiarrei laguntza eskaintzea. Ikastaroak aipatutako erakundearekin indarrean dagoen Zainduz hitzarmenaren barruan kokatzen dira.

“Tailer hauek zaintzaileei laguntzeko beste bide bat direlakoan gaude, zaintza epe luzerakoa izan daitekeelako, eta horrek sortzen diren beharrizan berrietara egokitu beharra suposatzen du, eta baita beraien bizitzetan aisialdirako denboraren murrizketari, nekeari eta sentimendu kontrajarriei aurre egiten laguntzea ere”, azaldu du Elena Coriak, Gizarte Zerbitzuetako zinegotziak.  

Tailerrak

Igurcoko neuropsikologo Eneritz Elgezuak adierazi duenez, etxebizitzanzaintzekoestrategiakizeneko tailerrak egoera eta behar berrietara egokitzeko teknikak eta abileziak erakutsiko ditu. Ikastaroaren ondoren, zaintzaileak Arreta pertsonalizaturako Plana egiteko aukera izango du. 18 orduko iraupenarekin, saioak ostegunetan izango dira, urriaren 19tik abenduaren 21era, 16:00etatik 18:00etara, Algortako Urgull kaleko udal eraikineko bigarren solairuan.

15 orduko iraupena izango duen erlaxazio tailerra, Romon astearteetan izango da, urriaren 10etik abenduaren 19ra bitartean, 10:00etatik 11:30era, Boluntarioen egoitzan, Romoko Jose María Chavarri Zuazo plazan. Bestalde, Algortan, Urgull kaleko udal eraikineko hirugarren solairuan izango da, urriaren 6tik abenduaren 22ra arteko ostiraletan, 11:00etatik 12:30era. 

Azkenik, 18 orduko taldeko laguntza psikologikoaren ikastaroa astelehenetan izango da, urriaren 9tik abenduaren 18ra bitartean, 10:00etatik 12:00etara,  RomokoBoluntariotza Zentroan ere, eta asteazkenetan 10:30etik 12:30era, Urgull kaleko udal eraikineko hirugarren solairuan, urriaren 11tik abenduaren 20ra. 

Izenematea

Tailerretarako izenematea Udalerriko Hiritarren Arretarako Bulegoetan egin beharko dute interesatuek. Udalak udalerriko mendekotasun egoeran daudenei eskutitz bana bidali die, tailerren berriez gain, abenduaren 29ra arte Arnas Zerbitzua ere eska dezaketela dohainik aditzera emateko. Informazio gehiago: 683193092.