Deportivo Alavés taldeko jokalariei goi lehiaketazko azterketa medikoa egingo zaie IMQ Amárica Zentro Medikoan 2025-2026 denboraldiaren atariko gisa

04.07.2025

Deportivo Alavés taldeak Vitoria-Gasteizko IMQ Amarica Zentro Medikoan goi-lehiaketazko medikuntza- eta kirol-azterketa zehatzen eskutik emango dio hasiera ofiziala 2025-26 denboraldiari. Hala, uztailaren 3an eta 4an, lehen taldeko 26 jokalari zuri-urdinei proba-protokolo osoa aplikatuko zaie, azterketa kardiologiko espezializatuak, odol-analitikak eta balorazio antropometrikoak barne.

Goi-lehiaketazko azterketa medikoak, denboraldiaurre babazorroari hasiera emango diotenak, IMQ Amarica Zentro Medikoko kardiologiako espezialista Maria Jesus Garcia Sanchez sendagileak eta Deportivo Alaveseko medikuntza-zerbitzuetako zuzendari Alberto Fernandez medikoak gainbegiratuko dituzte. 2013. urteaz geroztik gaurdaino IMQ-k Arabako taldearekin duen babesletza-akordioaren parte da lankidetza hori, eta horren eskutik, Gasteizko klubaren aseguratzaile mediko ofizial gisa sendotu da IMQ.

Futbolari hauei egingo zaizkie azterketa medikoak: Antonio Sivera, Jesús Owono, Adrián Rodríguez, Grégoire Swiderski, Hugo Novoa, Jonny Otto, Facundo Garcés, Niko Maras, Santiago Mouriño, Nahuel Tenaglia, Moussa Diarrá, Lander Pinillos, Selu Diallo, Jon Guridi, Carlos Benavidez, Antonio Blanco, Ander Guevara, Pablo Ibáñez, Chema Aragües, Carlos Vicente, Tomás Conechny, Abde Rebbach, Asier Villalibre eta Toni Martínez.

"Eliteko kirolariei egin ohi zaizkien azterketa medikoak funtsezkoak dira ohiko miaketetan antzeman ezin diren patologia kardiobaskularrak detektatzeko", azaldu dute IMQ zentroko profesionalek."Elektrokardiogramaren eta ekokardiografia transtorazikoaren bidez, bihotzeko egiturazko alterazioak edo alterazio elektrikoak baztertu ditzakegu, eta horiek, oso ohikoak ez badira ere, bihotzeko arritmiak eragin ditzakete. Bi proba normalekin, bihotzeko arritmia gaiztoak izateko probabilitatea % 1 baino gutxiagora murrizten da", azaldu dute.

Protokolo medikoak proba hauek barne hartzen ditu: atsedeneko ebaluazioa, bihotz- eta birika-auskultazioarekin; elektrokardiograma basala; tentsio arterialaren kontrola, eta ekokardiografia transtorazikoa, bihotzaren egitura eta funtzioa aztertzeko. Esfortzu-proba monitorizatua, zeinaren bidez futbolari bakoitzaren bihotz-maiztasun teoriko maximoaren % 85era iristen den, Deportivo Alavés taldeko medikuntza-zerbitzuetako zuzendariak egingo du.

IMQ Amárica zentro medikoa Vitoria-Gasteizko Amarika plazan kokatuta dago, eta kirol-medikuntzako abangoardiako teknologia du, baita Jarduera Fisikoaren eta Kirolaren Zientzietako, Kardiologiako eta Errehabilitazioko espezialistak diren diziplina anitzeko talde bat. Hortaz, oso erreferentzia preziatua da zentroa Euskadiko goi-mailako kirol-azterketa medikoetan.

Azterketa medikoak egin ondoren, uztailaren 4an –ostirala–, jokalari zuri-urdinak Jose Luis Compañon Kirol Hirian hasiko dituzte entrenamenduak, abuztuan hasiko den LaLiga EA Sports-eko denboraldi berri baterako prest egoteko.

IMQ-k bai elite profesionaleko kirolaren aldeko apustua, bai Euskadiko oinarrizko kirolaren aldekoa egiten du beti; izan ere, kirol-erakundeek etorkizuneko belaunaldien osasuna sustatzeko egiten dituzten jarduera ugaria babesten du.