Iradokizunak

Iradokizun nagusiak

Bilaketaren emaitza guztiak ikusi

Ez daude emaitzak bilaketa honetarako

Cookieak

Cookie teknikoak, pertsonalizaziokoak, analitikoak eta publizitatekoak erabiltzen ditugu, propioak eta hirugarrenenak, gure webgunearen erabilera aztertzeko eta zure nabigazioa eta publizitatea zure lehentasunetara egokitzeko, zure nabigazio-ohituretatik abiatuta egindako profil batean oinarrituta (adibidez, bisitatutako webguneak). Cookieak noiznahi kontsultatu eta konfiguratu ditzakezu; horretarako, sartu gure Cookie Politikan.

IMQ Zorrotzaurre Klinikak ‘lanpara magikoa’ren eskutik egiaztatzen du osasun langileen eskuen higienea egokia den

03.05.2024

IMQ Zorrotzaurre Klinikak ‘lanpara magikoa’ren eskutik egiaztatzen du osasun langileen eskuen higienea egokia den
  • Disoluzio hidroalkoholikoa –fluoreszeinarekin eta argi ultramore batekin markatuta– erabiltzeari esker, egoki higienizatutata dauden aldeak eta ez daudenak bereiz daitezke.

  • Osasun-profesionalak, praktiketako ikasleak eta pazienteak infekzioak prebenitzeko eskuen higieneak duen garrantziaz jaberaztea du helburu neurriak.

Eskuen Higienearen Mundu Egunaren esparruan (maiatzaren 5a), eta osasun-profesionalak, praktiketako ikasleak, pazienteak  eta horien senideak eskuak garbi izateak duen agarrantziaz jabearazteko, IMQ Zorrotzaurre Klinikak informazio- eta sentsibilizazio-ekimen batzuk abiarazi ditu aste honetan Kalitatea eta Pazientearen Segurtasuna eta Erizaintza Arloen bitartez.

Ekimen horietako bat izan da eskuak behar bezala garbitzeko gai diren egiaztatzeko aukera ematea aurreko pertsona guztiei. Hala, Ospitalizazio solairua eta Larrialdietako zerbitzuak bisitatzeko ibilbide baten eskutik, profesionalek eta pazienteek disoluzio hidroalkoholiko batekin –fluoreszeinarekin markatuta– garbitu zituzten eskuak.

Eskuak disoluzio horrekin garbitu ondoren, profesionalek eta pazienteek –pediatrikoak ere– eskuak argi ultramoredun “lanpara magiko” batean sartu zituzten, eta horri esker, begiratu batean egiaztatu zuten zein aldetara ez zen soluzioa iritsi, eta, beraz, zein alde ez zegoen behar bezala garbi eta desinfektatuta. Lanpararen argi ultramorearen azpian ipinitako eskuetako alde ilunek gaizki garbitutako aldeak agerian jarri zituzten.

Ekimen horretan profesional hauek parte hartu zuten: sendagileak, erizainak, erradioterapiako teknikari espezialistak, erizantzako laguntzaileak, zeladoreak, administrariak eta garbiketa-langileak, besteak beste.

Funtsezko bost une eskuak garbitzerakoan

Ibilbide hartan, IMQ Zorrotzaurre Klinikako Irakaskuntza eta Infekzioen Kontroleko gainbegirale Estíbaliz Garcíak, Klinikan praktikak egiten ari diren Deustuko Unibertsitateko ikasleei gogorarazi zien osasun-arloan pazienteekin lan egiten denean eskuak funtsezko lau une hauetan garbitzea komeni dela: «Pazientearekin kontaktua izan aurretik; zeregin aseptiko bat egin aurretik; gorputzeko likidoen eraginpean jarri ondoren; pazientearekin kontaktua izan ondoren; eta pazientearen inguruneko elementuren batekin kontaktua izan ondoren. Oso garrantzitsua da osasun-arretan higiene-neurri horiek barneratzea prestakuntzaren hasieratik bertatik, lanbidean zehar ohitura izan dezaten».

Disoluzio hidroalkoholikoak desinfekzio-lana eraginkortasunez egin dezan, hau egin behar da: «disoluzioa 30 segundoz aplikatzea, gainazal guztiak igurtzita, eta arreta berezia jarrita hatz lodia garbitzeari». Halaber, eraztunak, erlojuak eta eskumuturrekoak kendu behar dira eskuak garbitu aurretik, eta, oro har, pazienteei arreta ematerakoan.

Estíbaliz Garcíak adierazi zuen, halaber, eskuen higienea dela «neurririk merkeena eta eraginkorrena ospitaletan infekzioak prebenitzeko». Osasunaren Mundu Erakundeak jakinarazi duenez, Europan bakarrik, urtero 9 milioi infekzio gertatzen dira osasun-arretarekin lotuta zainketa intentsiboen zentroetan eta iraupen luzekoetan, eta, hau da horren ondorioa: 25 milioi ospitalizazio-egun gehigarri eta 13 eta 24 mila milioi eurorainoko kostua.

Joint Commission International erakundeak eskuen higienaren garrantzia azpimarratu du

Kalitate-estandar zorrotzak betetzen baditu eta ebaluazio zehatza gainditzen badu bakarrik lor dezake osasun-zentro batek Joint Commission International-en egiaztapena, eta IMQ Zorrotzaurre Klinikak duela urte batzuk lortu zuen eta aldizka berresten du.

«Joint Commission International oso zorrotza da bere egiaztapena duten zentroetan eskuak behar bezala garbitzea betetzeari dagokionez. Hori dela eta, urteko hainbat unetan behaketa-tarteak egiten ditugu, higiene-neurri hori unitateka, zerbitzuka eta lanbide-kategoriaka betetzen dela egiaztatzeko. Aldi berean, aldian-aldian gogorarazi eta sentsibilizatzeko neurriak hartzen ditugu, profesionalak eta pazienteak eskuak garbitzeari dagokionez erne egon daitezen», gogora ekarri du IMQ Zorrotzaurre Klinikako Irakaskuntza eta Infekzioen Kontroleko gainbegirale Estíbaliz Garcíak.

Ezagutza-testa

IMQ Klinikek beste ekimen batzuk abiarazi dituzte eskuen higieneak duen garratziaz kontzientziatzeko, hala nola  zentroen Intranetean ezagutza-test bat, neurri horren funtsezko alderdiak zenbateraino gogoratzen diren egiaztatzeko.

Argi ultramoredun gailuan bertan nahiz horretarako egin zen photocall batean kokatuta zegoen QR kode baten bidez eskuratu zen test hori; photocall-ean profesionalek argazkiak atera zituzten, ospitale-zerbitzuetan sentsibilizazio-ibilbidea egin ahala.