IMQ Zorrotzaurre klinikako beribil elektrikoak, ebakuntza geletatik 10 umeren etxeetara

12.01.2019

• Gabonetan “must have” izandako IMQ-ko pediatriako beribilak –Olentzero eta Errege Magoei idatzitako gutunetan sartu zirenak–, zozketako ume irabazleei eman zaizkie –zozketa horretan, 3.300 umek parte hartu zuten–.
• “Ebakuntza gelara beribilez” proiektuak komunikabideetan izan duen oihartzuna dela eta, IMQ Zorrotzaurre Klinikak eskaera nahiko jaso zuen eta, hortaz, horiei erantzuteko, 2 eta 6 urte bitarteko umeentzako 10 beribil elektriko zozkatzea erabaki zuen. Eta gaur jabeak aurkitu dituzte beribilok.

Gaur, larunbata, IMQ Zorrotzaurre Klinikako entzunaretoan, mantalen ordez gurpilak egon dira; sendagileen ordez, umeak, eta hitzaldien ordez, haur-jaia. Aukerak hala merezi izan baitu: 10 umeren Gabonetako nahia gauzatzea.

Errege Magoek zozketako (IMQ-k notario baten aurrean egin zuen, urtarrilaren 4an) 10 irabazleen Gabonetako arbolen oinetan utzi zuten opari-txekeari esker, hiru Lurralde Historikoetatik, klinikak umeak ebakuntza-gelara eramateko erabili ohi duen beribilaren antzeko batekin ibiltzeko aukera izango dute umeek, gaurtik aurrera.

Ekitaldian, jai-giroan, ume saridunak, horien senideak eta IMQ Taldeko kontseilari zuzendari nagusi Miguel Ángel Lujua eta Klinikako zuzendari nagusi Nicolás Guerra izan dira. Azken biek eman dituzte opariak, bertaratutakoen, batez ere, neska-mutilen berezkotasunaz eta une dibertigarriez beteriko giroan.

Euskadiko 3.300 ume inguruk parte hartu zuten proposamen bitxi horretan, zeinaren bidez   IMQ-k “Ebakuntza-gelara beribilez” ekimenaren arrakasta partekatu eta ospatu nahi izan duen.

Enaitz, Mateo, Danel, Peio, Aritz, Xabier, Iñigo, Ainhoa, Marina eta Iara dira, gaur, Errege Magoek hitza betetzen dutelako eta, batez ere, batzuetan, ametsak egia bilakatzen direlako handi amets egin behar delako.

IMQ Zorrotzaurre Klinikak paziente txikientzat sortu duen ekimenak -“Ebakuntza-gelara beribilez”- eraginkortasun terapeutiko handia duela erakutsi du, zeren eta, urrundik gidatutako beribiltxo haiei esker, tratamendu kirurgikoa behar duten umeak gurasoen besotatik ebakuntza-gelara lasaiago joan daitezen lortu baitu.

Ibilgailu elektriko horiek, umeak zirkuitu kirurgikoan entretenitzea ez ezik (umeen nahiz gurasoen antsietatea gutxiagotu egiten da), giro lasaiagoa eta “alaigarriagoa” sortzea ere lortzen dute, IMQ kliniketan, umeei ebakuntza egiten dizkietenean. Horrela, kirurgia aurreko erizaintzako eta anestesiako prozedurak errazten dira. Halaber, ekimen horri esker, hobeto esnatzen dira umeak eta kezka eta negarra gutxiagotu.

IMQ Zorrotzaurre klinikaren ekimen horrek, 2 eta 6 urte arteko umeengan (30 kg arteko pisua onartzen du beribiltxoak) duen eragina (lehenengo etapan) neurtu zenean, hau ondorioztatu zen: ospitaleratutako umeen % 98k ebakuntza-gelara beribiltxoan joan nahi zuen, beribiltxoan joan zirenen % 100ek ez zuen negarrik egin eta lasai joan zen ebakuntza-gelara eta horien % 95 lasai eta asaldatu gabe esnatu zen ebakuntzaren ondoren. Gurasoen % 100en iritziz, esperientzia oso ona izan zen.