IMQk osasun-estaldura gehitu egin du: beste bat zentro

01.10.2019

Deustuko barrutiko biztanleek badituzte, irailetik, IMQko bi osasun-zerbitzu berri, konpainiak 400 metro koadroko zentro bat zabaldu baitu auzo horretako Rafaela Ibarra kaleko 25. zenbakian (garai bateko Vicente San Sebastián klinika zegoen toki berean).

Hortz-klinika bat eta errehabilitazio-unitate bat dira auzoko herritarrei estaldura emango dioten instalazio berri eta moderno horien asistentzia-eskaintzaren zati.

Hortz-klinikak bost kabinetez eta teknologia aurreratuenaz dago hornituta; izan ere, lau odontologok eta aurpegi-masailetako kirurgialari batek lan egiten dute horretan, ohiko odontologia-zerbitzuak eta, besteak beste, inplantologia-kirurgia, ortodontzia, ahoko kirurgia, odontologia kontserbatzaile edo hortz-estetikako teknika sofistikatuak eskainiz.

Errehabilitazio eta fisioterapia-unitateak bost  box dauzka —horietako bat, egokitua— , baita 30 metro koadroko balio anitzeko gimnasio bat ere, zeinean talde espezializatu batek lan egiten duen: errehabilitazioko mediku bat eta lau fisioterapeuta, fisioterapia, pelbis-zoruko errehabilitazio eta errekuperazio funtzionaleko errehabilitazio osoko zerbitzuak emateko. Horiek guztiak, errehabilitazioko medikuaren kontrolpean, tratamenduaren aurretik eta ondoren.

IMQren Bilboko asistentzia-azpiegitura gehitzeko asmoz sortu da zentro hori, baita erreferente bilakatzeko ere, hain zuzen, arretaz hautatzen diren profesionalen konpromisoari eta asistentzia-kalitatearen aldeko lanari esker.