Athleticek gorazarre egin die duela 25 urtetik San Mameseko partidetan zale zuri-gorriei arreta ematen dieten IMQ-ko osasun-langileei

20.02.2024

Denboraldiro San Mameseko partidetan zerbitzuak ematen dituzten IMQ-ko ehun osasun-langile ingururi egin zien gorazarre Athletic Clubek Gironaren aurkako partida jokatu baino lehen.

Athleticek detaile berezia izan zuen partida zuri-gorriak “katedralean” ikusten dituzten 50.000 zaleen osasunaz eta segurtasunaz arduratzen diren pertsonekin. Hala, Athletic Clubeko presidente Jon Uriartek Athleticeko lehoiaren oroitzapenezko figura bat eman zion IMQ-ko zuzendari nagusi Javier Aguirregabiriari presidentetzaren palkoan.

Gertatzen da Athleticek eta IMQ-k bi erakundeen arteko lankidetzaren 25. urteurrena ospatu dutela oraintsu, 2023an, eta joan den ostiralean beste lau denboraldi batzuetarako –2017ko ekainera arte– lotuko dituen osasun- eta babesletza-hitzarmena berritu zutela. Halaber, IMQ-k aurten sortu zeneko 90. urteurrena ospatuko du. Ospakizun horiek guztiak direla eta, Clubak IMQri gorazarre egitea erabaki du.

IMQ-ko asistentzia-koordintzaileak, 20 osasun-langileko ordezkaritzarekin, aparteko erreferentzia den Andoni Goikoetxearen eskutik, Athleticen zuzeneko zoriona jaso zuen, zelai-erdian. Andoni Goikoetxeak orointzapenezko kamiseta bat eman zien, eta zaleei txalo beroa eskatu zien, markagailuan orointzapenezko bideo bat proiektatu bitartean; aintzatespena, amaitzeko, familia argazkia egin zuten.

Zozketaz aukeratutako 5 eta 12 urte arteko 11 ume, IMQ-ko kamiseta jantzita, aldageletako pasabidetik zelaira irten ziren futbolarien eskutik helduta.

San Mames da, IMQrekiko lankidetzari esker, lehen taldeen partidetan ematen duen osasun-asistentziaren kalitatea eta segurtasuna UNE 179003 arauaren arabera ziurtatuta duen futbol-zelai bakarra. Urtero, batez beste 80 asistentzia ematen dira, eta ohikoenak traumatismo, kontusio, zauri eta zorabio eta alditxarrekin lotuta daude.