IMQ Zorrotzaurrek berritu egin du hiru izardun QH kalitate egiaztapena, estatuko osasun pribatuko ahalik eta altuena dena

12.11.2024

IMQ Zorrotzaurre Klinikak, EAEko osasun-zentro pribatu nagusiak, QH*** (hiru izarduna, ahal den altuena) egiaztapena berritu egin du oraintsu, hain zuzen, gaur, Madrilen, Osasunaren Garapen eta Integraziorako Institutuaren (IDIS Fundazioa) QH-Quality Healthcare Egiaztapena banatzeko XI. ekitaldian. Izan ere, ospitale-zentroa Euskadin egiaztapen hori duen zentro bakarra bilakatu zen 2018an, eta, halaber, Estatuko “hiru izardun” osasun-establezimenduen talde txikiaren parte.

Ekitaldi horretan ordezkari hauek izan dira: Juan Abarca eta Marta Villanueva, IDIS Fundazioko presidentea eta zuzendari nagusia, hurrenez hurren; Pilar Aparicio, Osasun Ministerioko Osasun Publikoko zuzendari nagusi ohia eta Osasun Estrategien Koordinatzailea. QH_QualityHealthcare sariak banatzeko ekitaldi horretan, era berean, RESA 2024 Ikerlana (Osasun pribatuko osasun-emaitzen adierazleak) aurkeztu da.

QH (Quality Healthcare) egiaztapena sistema aitzindaria eta berritzailea da; bakarra, Europan, eta kalitatearen eta erantzukizunaren bidean ahalegin nabarmena egiten duten eta eginahal hori egiaztatzeko ziurtagiriak dituzten asistentzia-erakundeak aintzat hartzen ditu.

«IMQ Taldeak urte asko daramatza apustu bereizgarria egiten, Estatuan eta nazioartean ospe handia duten kalitate-ereduak emateko. Apustu horrek, benetan konpromiso korporatiboa denak, estandar zorrotzenekin lan egitera behartzen gaitu, arreta bikaina emateko. Asistentzia-kalitatearen eta segurtasun klinikoaren estandar horiek lortzeak eta mantentzeak inbertsio ekonomiko handia ez ezik, erantzukizuna, prestakuntza, ezagutza eta profesionaltasuna ere eskatzen dituzte Taldeko pertsona eta asistentzia-zentro guztien aldetik», adierazi du IMQ kliniketako Pazientearen Kalitate eta Segurtasun zuzendari Isabel Urrutiak.

Hiru izardun QH kalitate-egiaztapena ez ezik, Joint Commission International-ena ere badu Taldeak –2013an lortu eta modu sistematikoan berritu dena–, baita beste egiaztapen batzuk ere, hala nola kalitateari buruzkoa (ISO 9001), pazientearen segurtasunari buruzkoa (UNE 179.003), I+G+b (UNE 166.002), laneko segurtasunari buruzkoa (ISO 45.001), ingurumen-kudeaketari buruzkoa (ISO 14.001) eta energia-efizientziari buruzkoa (ISO 50.001); horiei guztiei esker, gaur egun, IMQ Zorrotzaurre klinika erreferente argia da Euskadiko asistentziaren kalitatean.